ഇന്നലെ ഞാന് എന്റെ പേനയെ കണ്ടെടുത്തു...
ഒന്നെഴുതാന് കൂട്ടു വരൂ എന്നു പറഞ്ഞു കെഞ്ചി
നിന്റെ വാക്കുകള് എവിടെ എന്നു അവന്
തിരഞ്ഞാല് കിട്ടുമായിരിക്കുമെന്നു ഞാന്
നിന്റെ ചൂടും ചൂരുമെവിടെ എന്നവന്
എന്റെ കരളില് കനലില്ലേ എന്നു ഞാന്
ഉള്ളതു മതി, അതു കൊണ്ടു കഴിഞ്ഞൂടെ
എന്നു ഞാന് താഴ്മയായി പറഞ്ഞു നോക്കി
പക്ഷെ അവനപ്പൊഴും സത്യം , കരുണ,പ്രചോദനം
പിന്നെന്തൊക്കെയൊ പിറുപിറുത്തു
നീ പോലും കള്ളമാണു എന്നവന് ഉറപ്പിച്ചു പറഞ്ഞപ്പോള്
ഞാനവനെ പിടിച്ചു പേപ്പറിലേക്കടിച്ചമര്ത്തി
No comments:
Post a Comment